KV D'n Uul van den Grauwert

D’n Uul van den Grauwert is dé officieel vastelaovesvereniging van Mofert, opgerich in 1906 en dus al bienao 11x11 jaor ein begrip in Mofert en omstreke.

V’r haje ós bezig mit ’t viere van vastelaovendj inne breidste zin van ’t waord. Daoveur organizere v’r zellef versjillende activiteite in oos sjoean dörpke Mofert, zoea wie onger angere de Moferter Aovendj, ’t Zate Hermeniekes Festival en de groeaten optoch op vastelaovesmaondig. Daonaeve bezeuke v’r ouch nag ein hieël deil activiteite en evenemente, zoeawaal in Mofert es ouch dao boete.

D’n Uul van den Grauwert is veurnamelijk actief tusse 11 november en aswoonsdig, mer ouch dao boete drage v’r oos steinke bie ane Moferter maatsjappie. Zuus se d’n Uul van den Grauwert, dan zuus se ein deil enthousiaste jonges en maedjes die gruuets zeen op Mofert en gaer vastelaovendj viere!