Vastelaovend bie De Markoef sjtart extra vreug
Lang höbbe v’r motte wachte , maar eindelik kinne v’r uch melde det ‘t prinsoetrope door geit!
Door alle coronamaotregele en restricties zeen v’r genoodzaak ‘t iets angers te doon es wat g’r van ós gewint zeet. ‘T veursjtelle van de nuje veurgengers is op 13 november in café de Sport. De zaal geit om 17.30 oer aope. Jao, geer laes ‘t goot v’r beginne eerder zodat v’r eine waardige aovend kinne sjinke aan os nuuj veurgengers.
De aovend zal der es volg oetzeen. V’r rope de veurgenger van de Markoevekids oet om 18.11 oer. Gevolg door de veurgengers bie de Jeug om 19.11 oer. En es klap op de vuurpiel de veurgengers bie de grote om 20.30 oer. Dees tieje sjtaon vas, ouch al kin ’t zo zeen det der versoeplinge in ’t huidige coronabeleid komme. Zowel de horeca es KV De Markoef motte zich aan de geldende coronaregels haaje. Veer vraoge dan ouch om uch begrip en medewerking en haope uch in grote getale op 13 november vanaaf 17.30 oer te zeen in café de Sport.
Gepubliceerd: 03 OKT 2021 - 08:32
Laatste update: 03 OKT 2021 - 08:52