Team Nooit Genog wint drietalschieten in Berg
Tiedes ós feesweekend höbbe veer op zaoterdig 24 augustus ‘t drietalsjeete georganiseerd. Helaas kòsjte veer deze wedsjtried neet oetsjeete op dae daag vanwaege de waersomstandighede. Zondig 22 september höbbe veer deze wedsjtried veurtgezat biej ós sjöttelokaal. Helaas kòsjte neet alle drietalle aanwezig zeen, mit de aanwezige drietalle waerde de sjtrijd aangegaon.
Veer begòsjte op grote bölkes en zeen nao 2 kavelrunj euver gegange op klein bölkes. Nao eine sjpannende strijd en eine gezellige middig wis team Nooit Genog de winst binne te haole door gein inkel bölke te misse! Jaimy, Stef en Erik proficiat!
De 2e plaats waerde behaold door team ‘Braetje’ mit Rolf, Marc en Maurice.
De 3e plaats ging nao ein sjpannende kaveling nao team ‘Gein idee’ mit Stef, Ruud en Jaimy.
Nogmaals proficiat aan alle winnaars en gaer toet volgend jaor!
Gepubliceerd: 26 SEP 2024 - 16:31
Laatste update: 26 SEP 2024 - 16:33