Online Bingo biej CV De Beerbök
Op zaoterdig 19 fibberwarie aansjtaonde waert door De Beerbök vanaaf 20.00 oer eine online BINGO-aovend georganiseerd, mit fantastische prieze van os lokale ongernömmers!
De Bingo-aovend waert live gestreamp via ein online-verbinging via ZOOM (meer info krieg geer via de mail es geer Bingo-kaart besjtild heb) welke vanaaf 19.30 oer aope waert gesjtild en geer kint deilnömme. Bingokaarte zeen toet zaoterig 19 fibberwarie 18.00 oer online verkriegbaar veur € 4,00 per kaart. Veur kaarte klik HIE.
Veer dreije weer live vanoet eine vastelaovessjtudio aan de Bingo-meule. Tösjedoor kint geer geneete van diverse corona-proof Vlorpse optraejes en DJ. Geer maak actief deil oet van deze gezellige aovend. Prieze zeen te winne bie 1 riejke, 2 riejkes en natuurlik bie ein volle kaart. D’r waere ouch nag diverse angere prieze verlaot onger alle deilnömmers.
De winnaars van de Bingo waere live in de online oetzendig gehaold en prieze waere, zondig 20 fibberwarie bie uch aan hoes bezorg! Tiedens de aovend sjpele veer minimaal 5 rung Bingo. Geer sjpeelt alle rung met dezelfde kaart. Hebt geer kienfiches? Print de kaart dan eine keer oet. Hebt geer gein kienfiches, bedink ein alternatief of print jiddere kaart 6 keer oet. Veer haope det geer allemaol mitdoot aan deze Bingo-aovend, veer hebbe d’r in jidder geval weer zin in, geer ouch?
Gepubliceerd: 09 FEB 2022 - 21:39