Óngertrouw van het boerebroedspaar in Melick

Óngertrouw van het boerebroedspaar in Melick

Het boerebroedspaar geit dit jaor veur ’t eers in óngertrouw, det helt in det zie ein paar waeke in ’t kesjke kómme te hange. In det kesjke hange häör gegaeves op en es d’r miense zeen die aanbevaelinge, opmerkinge of bezjwaor taege dit onech huwelik höbbe, dan kinne zie det kinbaar make. Veer neudige dan ouch ederein oet óm good nao te dinke euver dit ónech gebeure. Sjrief eur opmerkinge, bezjwaore of tips op en stop die in de brevebös van ’t kesjke. Det hingt aan de ziekantj van het Aad Raodhoes teageneuver Dave & Marie.

Sjrief eur opmerkinge op en sjtop die in ’t óngertrouwkesjke. Dees opmerkinge waere sjmiddigs tiedes de boerebroelof besjpraoke biej de Sjötterie en dan waert gekeke of ze oug daadwerkelik kinne gaon trouwe op de trappe van het Aad Raodhoes.

Sjtichting Boere-Broelof Melick, “D’n Aezel”, kondigt aan veur de 45e Boere-Broelof op zaoterdig 22 februari 2025. In d’n onech wille waere verbónje

Remco (Claessen) van Reneè van Sjel van Petrol tuite Ties oet Heitse en van Anna Maria Berben oet Heitse, en van Petronella van Lotto en Toto Leon alias Leike Nijsen oet Baoksem en van Maria van de Schoor oet Wieërt
en

Mayke (Wenteler) van André Wenteler van Henk oet Amsterdam-Oost en van Corrie oet Amsterdam-West en van Fianne Wolters van Reinard van Reinard van de bekker en van Dilia van Harrie van de boer oet Melick.

Höbt geer bezjwaor? Dan kint geer eur bezjwaor in de brevebös sjtoppe. Es geer anger opmerkinge höbt dan kint geer die ouch in de brevebös sjtoppe. Veer zeen benuujt nao eur reacties. Sjtichting Boere-Broelof Melick

Gepubliceerd: 15 JAN 2025 - 16:21