Nonnevottenactie Jong Nederland
Op zaoterdig 26 februari kump JongNL Melick veer uch heerlijke nonnevotten toes bringe. Dit jaor zulle veer neet langs de deur komme mit losse verkaup, maar allein op besjtilling wirke. Daonaeve zeen veer nog de meugelijkheden aan ’t oetzeuke veur verkauppuntj in ’t dörp.
Haaj hiejveur oze facebookpagina en website in de gaten! De nonnevotten zeen per 5 stuks te kaup veur 6,50 euro. Veer zulle biej dees actie raekening haje mit de coronamaotregele. Ger kint uch besjtilling doorgaeve via de mail, via ’t besjtilformulier of via de webshop oze site.
De veurkeur haet om veuraaf te betalen, contant of door ’t bedraag euver te maken, de meugelijkheden sjtaon op ’t besjtilformulier vermeld. Ger kint ’t besjtilformulier in De Heraut invullen en (eventueel mit gepast geldj in ein envelop) in de brevebus sjtoppe op Pierre Kempsjtraot 11, Melick.
Of uch besjtilling via de mail doorgeave op nonnevotten@jongnlmelick.nl. Gaef dan ouch alle informatie door wat op ’t besjtilformulier sjtuit. Zorg det uch besjtilling oeterlijk donderdag 24 februari biej os binne is. Op deze meneer haope veer uch toch vastelaovend toes te kinne bringe!
Haaj de Heraut en oze facebookpagina ouch in de gaten veur de potgrondactie die der ouch sjnel aan kump.
JongNL Melick
Gepubliceerd: 09 FEB 2022 - 16:47