Moferter Meziekquiz: gaef uch op

Moferter Meziekquiz: gaef uch op

Loesters se väöl nao de radio? Wits se väöl van meziek? Zits se ouch dökker op Spotify te zeuke nao det ein leedje? Zin in eine gezellige aovendj? Sjrief dan vriedig 20 oktoeaber in eure agenda.

Verdeildj in versjillendje categorieje teste v’r eur kinnes euver diverse saorte meziek oet de hitlieste van pak ‘m beet de aafgeloupe 50 jaor. Wits se hieël väöl van ’n bepaoldj saort meziek? Of loesters se väöl nao de radio en wits se van alle saorte meziek waal get? Stil dan ’n team same van maximaal 4 persoeane (minder moog ouch), bedink eine passendje teamnaam en gaontj de strijd aan om de grootste meziekkinner van Mofert te waere. Naeve de ieër zeen d’r netuurlijk ouch sjoean prieskes te winne.

Opgaeve kan door eine mail te sture nao meziekquizmofert@gmail.com, ónger vermeljing van eure eige naam én teamnaam. Opgaeve oeterlijk 18 oktoeaber, mer wie eder, wie baeter. Mitdoon kós slechs 5,00 euro per team, contant te betale oppe quizaovendj zellef. De quiz vintj plaats Biej De Vogel op vriedig 20 oktoeaber en startj om 20.00 oere, de inloup is vanaaf 19.30 oere.

Durf geer de oetdaging aan? Gaef uch dan gauw op en dan make v’r d’r same eine gezellige aovendj van!

Gepubliceerd: 28 SEP 2023 - 08:49