Kunst en Vermaak sjpeelt De Óngerhuurder

De Óngerhuurder. Det  is de titel van het toneelsjtuk det de toneelclub Kunst en Vermaak oet Postert op 9, 10 en 11 december opveurt in dörpshoes De Beuk.

Nao 2 lange jaore en nao vaol rippetere en boewe zeen veer d’r weer bao klaor veur. Veer belaove uch vaöl plezeer tiedens oos veursjtillinge! Bönt geer auch benuujd waem d’r ein kamer huurt biej Meneer en Mevrouw Kakelbond?

Dan kint geer veur kaertjes terech biej Bobbies Damesmode en Dierenspeciaalzaak Meijers. Geer kint dan auch reservere via tel.: 06-58 87 53 83 of online www.kunstenvermaakposterholt.nl. Veer sjpele De Óngerhuurder op 9, 10 en 11 december om 20.00 oer. Op de 11e sjmiddigs om 14.00 oer is d’r ein matinee-veursjtilling!

Gepubliceerd: 01 DEC 2022 - 09:53