Donateursaktie KV de Markoef

Donateursaktie KV de Markoef

Van 9 toet en mit 16 jannewarie hilt K.V. de Markoef de jaorlijkse donateursactie.

Van de opbrings waere de carnavalsaktiviteite die veer organizere betaald. Det löp oeterein van aktiviteite veur sjoolkinjer en jeug toet ’t bezeuk van kranke Melicker miense in ’t ziekehoes, thoes en in de verpleeghoeze in de ómgaeving en van de grote optoch toet de Heilige mès.

Dit seizoen höbbe veer 6x11 jaorig jubileum en dus ouch get extra aktiviteite. Zo höbbe veer in november ein jubileumfees gehaje inne sjporthal mit 2 fantastise aovende en eine kinjermiddig en volg zaoterdig 14 jannewarie eine middig veur de seniore (wo det geer uch nog veur kint opgaeve).

Alle aktiviteite die veer zelf organisere zeen trouwens gratis toegankelik!

Dit jaor kómme veer tegeliek ouch mit ós jubileumsgezet langs de deur. Dan kint geer keze of geer die wilt koupe veur maar €5,-- of det geer geweun ein vriewillige biedrage wilt levere aan ’t in sjtandj haje van de Melicker vastelaovend.

Ilke biedrage sjtèlle veer zeer op pries.

Names de Markoef: alvas bedank!

Gepubliceerd: 04 JAN 2023 - 13:27
Laatste update: 04 JAN 2023 - 13:29