CV D’n Doal viert drie daag fees veur jonk en aad 

’t Program
• Vriedig 29 november: Mallorca Party
Veer sjarte ós jubileumweekend mit ‘n grote Mallorca Party. Ós feespaviljoen waert omgeboewd toet ein Mega Park aan de Ballerman 6. Ein bombe knalfees mit o.a.
Beck & Bauer, DJ Otto Wunderbar, Nachtvlinders en DJ Lank XL.

• Zaoterdig 30 november: Vastelaoves Sjpektakel
Op zaoterdigaovend kómme de bèste Limburgse artieste same in Klein Kölle. Mit ‘n carrousel aan artieste waert dit gegarandeerd ein sjoon fees. Dao gaon o.a. Big Benny, Danny Pouwels, Bjorn en Mieke, Spik en Span en DJ Roel Maessen veur zorge!

• Zónjig 1 december: Groot Doale en Döälkes treffe
Deze daag sjteit jongk en aad centraal! Alle (aad) Leje, aad Prinse, aad adjudanten en aad Vorsten waere oetgeneud veur ‘nne lekkere dörpsbrunch. Mit aansjouwend ‘n muzikaal program van o.a. Die Lerchenwald Muzikanten, Ronnyron, DJ Olaff & Jon. Veur de jeugd is der ein Kinjer Sjpektakel inne Soos & Harch mit vastelaovesdisco, voetbal-beljaar, ballonnenclown, minigolf, tattoos, aad Hollandse sjpele, schminken, silent disco, sjlókraad, sjpringkussen, grabbelton en nog väöl meer. Neit taege pap of mam zigke… mit dien sjtempelkaart krieg’se ouch nag ein lekkere snack!

Kaartverkoup
Kaarte koste €11,11 (excl. servicekosten). Ouch is ’t meugelik om ein passe-partout te koupe veur €18,11 (excl. servicekosten).

Jubileumvrundj vanne Doal
Geer kint einmaolig ‘Jubileumvrundj vanne Doal’ waere. Daomit óngersteund geer neit allein de vereniging maar maak geer ’t jubileum financieel mede meugelik! Daobie krieg geer ein sjoon jubileumpakket mit o.a.:
• Jubileum merchanside (sjaal, nuuj sjpeldje en vlaggenwimpel)
• Weekend passe-partout
• ‘nne Zeiverlap
• 11 consumptiebonnen.
Interesse? Stuur ‘nne mail nao info@doal.nl mit uch naam en tillefoonnömmer en dan naeme veer kontak mit uch op!

Dus besjtèl maar!
Gank sjnel nao www.doal.nl om drék kaarte te besjtèlle. Veur ’t lètste nuujts haaj de website en veural ózze Facebook en Instagram inne gaten!

Namens 8 x 11 Jaor CV D’n Doal